16 желтоқсан Тəуелсіздік күніне орай Ақтөбе Автожол колледжінде желтоқсан айының 14 жұлдызында 103, 109 жəне 307 топтарының қатысуымен «Қазақстандық жол - 2050: Бір мақсат, Бір мүдде, Бір болашақ» атты ашық тəрбие сағаты өткізілген болатын.

12 желтоқсанда Ақтөбе автожол колледжінде Тəуелсіздік күніне орай еліміздегі патриоттық бағыттағы бірден-бір əнші-сазгер, ақын Орынгүл Исмағұлованың "Мəңгілік елім-Қазақстаным" атты шығармашылық кеші болып өтті. Колледж кəсіподақ ұйымының төрайымы Айнұр Мұратқызының құттықтау сөзімен ашылған кеште "Спорт жұлдыздары" журналының бас редакторы Мусағали Тасқалиев колледждің үздік ұстаздарына "Тəуелсіздікке қосқан үлесі үшін" естелік медалін табыс етті.
Орынгүл Исмағұлова өзінің "Қазақ жігіттері", "Жеңіс жыры", "Ер бақыты", "Жас ұлан", Олимпиада толғауы" жəне "Мəңгілік елім-Қазақстаным" атты əндерін орындап, колледж студенттерінің сұрақтарына жауап берді.
Кеш барысында "Спорт жұлдыздары" журналы бас редакторының орынбасары Еркін Бақтияров пен журналымыздың жанынан құрылған "Ақниет" шығармашылық ордасының директоры Даража Жакаева жəне жас өнерпаздар Қуандық Есқалиев пен Карина Нагиевалар да өздерінің өлеңдерін оқып, əндерін орындап кештің əсерлі өтуіне үлестерін қосты. Жас ұрпаққа патриоттық тəрбие беру жолында осындай кештердің көптеп өткені көңіл қуантады. Кеш соңы Орынгүл Исмағұлова колледж студенттеріне қолтаңба беріп, естелік суретке түсті.